ਦਿਲ ਨੂੰ ਛੂਹ ਰਿਹਾ ਹੈ ਦਿਲਜੀਤ ਦੋਸਾਂਝ ਦਾ ਨਵਾਂ ਗੀਤ " ਪਾਗਲ " punjabi song ਦਿਲਜੀਤ ਦੋਸਾਂਝ ਦਾ ਇਹ ਸੈਡ ਸੌਂਗ ਹੈ | ਜਿਸ ‘ਚ ਦਿਲਜੀਤ ਦੋਸਾਂਝ ਨੇ ਇੱਕ ਅਜਿਹੇ ਪਾਗਲਪਣ ਦੀ ਗੱਲ ਕੀਤੀ ਹੈ ਜੋ ਕਿਸੇ ਦੇ ਪਿਆਰ ‘ਚ ਸਾਰੀ ਦੁਨੀਆ ਨੂੰ ਭੁਲਾ ਦਿੰਦਾ ਹੈ | ਇਸ ਗੀਤ ਦੇ ਬੋਲ " ਬੱਬੂ " ਦੁਆਰਾ ਲਿਖੇ ਗਏ ਹਨ ਅਤੇ ਇਸ ਗੀਤ ਨੂੰ ਮਿਊਜ਼ਿਕ " ਗੋਲਡ ਬੋਆਏ " ਨੇ ਦਿੱਤਾ ਹੈ |
ਇਸ ਗੀਤ ‘ਚ ਦਿਲਜੀਤ ਨੇ ਫੀਚਰਿੰਗ ‘ਚ ਵਿਦੇਸ਼ੀ ਕਲਾਕਾਰਾਂ ਨੂੰ ਵੀ ਲਿਆ ਹੈ | ਜਿਸ ‘ਚ ਤੁਸੀਂ ਵੇਖ ਸਕਦੇ ਹੋ ਕਿ ਕਿਸ ਤਰ੍ਹਾਂ ਦੋ ਪਿਆਰ ਕਰਨ ਵਾਲਿਆਂ ਦਰਮਿਆਨ ਅਵਿਸ਼ਵਾਸ਼ ਪੈਦਾ ਕਰਨ ਲਈ ਇਸ ਗੀਤ ‘ਚ ਕੰਮ ਕਰਨ ਵਾਲੀ ਅਦਾਕਾਰਾ ਦਾ ਪਿਤਾ ਗਲਤ ਫਹਿਮੀ ਦਾ ਬੀਜ ਪਾ ਦਿੰਦਾ ਹੈ ਅਤੇ ਇਹ ਗਲਤ ਫਹਿਮੀ ਹੀ ਦੋਨਾਂ ਦਰਮਿਆਨ ਦੂਰੀ ਦਾ ਕਾਰਨ ਬਣਦੀ ਹੈ । ਦੋਵੇਂ ਇੱਕ ਦੂਜੇ ਤੋਂ ਦੂਰ ਹੋਣ ਦੇ ਬਾਵਜੂਦ ਵੀ ਇੱਕ ਦੂਜੇ ਦਾ ਮੋਹ ਨਹੀਂ ਛੱਡ ਪਾਉਂਦੇ | ਪਰ ਜਦੋਂ ਤੱਕ ਇਹ ਗਲਤ ਫਹਿਮੀ ਦੂਰ ਹੁੰਦੀ ਹੈ ਦੋਨਾਂ ਚੋਂ ਇੱਕ ਇਸ ਦੁਨੀਆ ਤੋਂ ਹੀ ਰੁਖਸਤ ਹੋ ਜਾਂਦਾ ਹੈ |
ਇਹ ਗਲਤ ਫਹਿਮੀ ਉਦੋਂ ਹੀ ਦੂਰ ਹੋ ਪਾਉਂਦੀ ਹੈ ਜਦੋਂ ਕੁੜ੍ਹੀ ਦਾ ਪਿਤਾ ਅੰਤ ਸਮੇਂ ਆਪਣੀ ਧੀ ਨਾਲ ਕੀਤੇ ਇਸ ਧੋਖੇ ਦਾ ਖੁਲਾਸਾ ਕਰਦਾ ਹੈ ਪਰ ਉਦੋਂ ਤੱਕ ਬਹੁਤ ਦੇਰ ਹੋ ਚੁੱਕੀ ਹੈ ਅਤੇ ਇਸ ਤੋਂ ਬਾਅਦ ਇਸ ਗੀਤ ‘ਚ ਕੰਮ ਕਰਨ ਵਾਲੀ ਕਲਾਕਾਰ ਆਪਣੇ ਪ੍ਰੇਮੀ ਦੀਆਂ ਯਾਦਾਂ ਦੇ ਸਹਾਰੇ ਆਪਣੀ ਪੂਰੀ ਜ਼ਿੰਦਗੀ ਕੱਢ ਦਿੰਦੀ ਹੈ | ਇਸ ਗੀਤ ‘ਚ ਦਿਲਜੀਤ ਦੋਸਾਂਝ ਨੇ ਇਹ ਵਿਖਾਉਣ ਦੀ ਕੋਸ਼ਿਸ਼ ਕੀਤੀ ਹੈ ਪਿਆਰ ‘ਚ ਜੇ ਇੱਕ ਵਾਰ ਗੰਢ ਪੈ ਜਾਵੇ ਤਾਂ ਉਹ ਖੁੱਲਦੀ ਨਹੀਂ ‘ਤੇ ਜੇ ਕਦੇ ਗਲਤ ਫਹਿਮੀ ਆਪਸ ‘ਚ ਹੋ ਵੀ ਜਾਂਦੀ ਹੈ ਤਾਂ ਇਸ ਨੂੰ ਮਿਲ ਬੈਠ ਕੇ ਸੁਲਝਾਉਣਾ ਚਾਹੀਦਾ ਹੈ ।