ਟੋਰਾਂਟੋ ਦੇ ਡੈਨਫੋਰਥ ਇਲਾਕੇ ਵਿੱਚ ਹੋਏ ਦਰਦਨਾਕ ਗੋਲੀਬਾਰੀ ਹਾਦਸੇ ਦੇ ਹਮਲਾਵਰ ਦੀ ਪਹਿਚਾਣ ਕਰ ਲਈ ਗਈ ਹੈ। ਟੋਰਾਂਟੋ ਦੀ ਸਪੈਸ਼ਲ ਇਨਵੈਸਟੀਗੇਸ਼ਨ ਯੂਨਿਟ ਵੱਲੋਂ ਪ੍ਰਾਪਤ ਜਾਣਕਾਰੀ ਮੁਤਾਬਿਕ ਹਮਲਾਵਰ 29 ਸਾਲਾ ਫ਼ੈਸਲ ਹੁਸੈਨ ਟੋਰਾਂਟੋ ਦਾ ਹੀ ਰਹਿਣ ਵਾਲਾ ਸੀ।
ਜ਼ਿਕਰਯੋਗ ਹੈ ਕਿ ਫ਼ੈਸਲ ਦੀ ਪੋਸਟਮਾਰਟਮ ਸੋਮਵਾਰ ਨੂੰ ਜਾਰੀ ਕੀਤਾ ਜਾਵੇਗਾ ਜਿਸ ਨਾਲ ਇਹ ਪਤਾ ਚੱਲ ਸਕੇਗਾ ਕਿ ਉਸਨੇ ਸੁਸਾਈਡ ਕੀਤਾ ਹੈ ਜਾਂ ਫਿਰ ਉਸਦੀ ਜਾਨ ਪੁਲਿਸ ਕਾਂਸਟੇਬਲ ਵਲੋ ਚਲਾਈ ਗੋਲੀ ਨਾਲ ਗਈ ਹੈ। ਜ਼ਿਕਰਯੋਗ ਹੈ ਕਿ ਫ਼ੈਸਲ ਹੁਸੈਨ ਦੇ ਪਰਿਵਾਰਕ ਮੈਂਬਰਾਂ ਦਾ ਕਹਿਣਾ ਹੇ ਕਿ ਉਹ ਕਾਫੀ ਲੰਮਾ ਸਮਾਂ ਦਿਮਾਗੀ ਸਿਹਤ ਸੰਤੁਲਨ ਨਾਲ ਜੁੜੇ ਮੁੱਦਿਆਂ 'ਚੋਂ ਗੁਜ਼ਰਿਆ ਹੈ। ਇਸ ਘਟਨਾ ਦੇ ਸਾਰਿਆਂ ਨੂੰ ਹਿਲਾ ਕੇ ਰੱਖ ਦਿੱਤਾ ਹੈ।
ਇਸ ਹਾਦਸੇ 'ਚ 2 ਹੋਰ ਲੋਕਾਂ ਦੀ ਜਾਨ ਚਲੀ ਗਈ ਹੈ ਅਤੇ 13 ਜ਼ਖਮੀ ਹਨ। ਮ੍ਰਿਤਕ ਦੀ ਪਹਿਚਾਣ 18 ਸਾਲਾ ਰੀਨਾ ਫਾਲੋਨ ਵਜੋ ਕੀਤੀ ਗਈ ਹੈ। ਇਸ ਤੋਂ ਇਲਾਵਾ ਇੱਕ 10 ਸਾਲਾ ਬੱਚੀ ਦੀ ਵੀ ਮੌਤ ਹੋਣ ਦੀ ਖ਼ਬਰ ਹੈ। ਜ਼ਖਮੀਆਂ ਵਿੱਚ ਇੱਕ ਬੱਚਾ ਵੀ ਸ਼ਾਮਲ ਹੈ। ਪੁਲਿਸ ਵੱਲੋਂ ਮਾਮਲੇ ਦੀ ਲਗਾਤਾਰ ਜਾਂਚ ਜਾਰੀ ਹੈ।
ਟੋਰਾਂਟੋ ਦੇ ਡੈਨਫੋਰਥ ਇਲਾਕੇ 'ਚ ਹੋਈ ਗੋਲੀਬਾਰੀ ਦੇ ਹਮਲਾਵਰ ਦੀ ਪਹਿਚਾਣ, 2 ਮੌਤਾਂ ਅਤੇ 13 ਜ਼ਖਮੀ
New Update