ਬਹੁਤ ਹੀ ਮਾਨ ਮਹਿਸੂਸ ਹੁੰਦਾ ਹੈ ਵਿਦੇਸ਼ੀਆਂ ਦੇ ਦਿਲਾਂ ਵਿੱਚ ਪੰਜਾਬੀ ਗਾਇਕੀ ਦੇ ਲਈ ਐਨਾ ਪਿਆਰ ਵੇਖ ਕੇ

Written by Anmol Preet

Published on : March 8, 2019 1:41




jazzyB

ਪੰਜਾਬੀ ਇੰਡਸਟਰੀ ਦੇ ਮਸ਼ਹੂਰ ਗਾਇਕ “ਜੈਜ਼ੀ ਬੀ” ਦਾ ਨਾਮ ਵੀ ਉਨ੍ਹਾਂ ਕਲਾਕਾਰਾਂ ਦੀ ਲਿਸਟ ਵਿੱਚ ਆਉਂਦਾ ਹੈ ਜਿਨ੍ਹਾਂ ਨੇ ਪੰਜਾਬੀ ਗਾਇਕੀ ਨੂੰ ਦੇਸ਼ਾਂ ਵਿਦੇਸ਼ਾਂ ਤੱਕ ਪਹੁੰਚਾਇਆ ਹੈ | ਇਨ੍ਹਾਂ ਦੁਆਰਾ ਗਾਏ ਗੀਤਾਂ ਨੂੰ ਨਾ ਸਿਰਫ ਪੰਜਾਬ ਬਲਕਿ ਵਿਦੇਸ਼ਾਂ ਵਿੱਚੋਂ ਵੀ ਬਹੁਤ ਜਿਆਦਾ ਪਿਆਰ ਮਿਲਦਾ ਹੈ | ਵਿਦੇਸ਼ੀ ਗੋਰਿਆਂ ਵੱਲੋਂ ਵੀ ਇਨ੍ਹਾਂ ਦੀ ਗਾਇਕੀ ਨੂੰ ਬਹੁਤ ਪਸੰਦ ਕੀਤਾ ਜਾਂਦਾ ਹੈ ਜਿਸਦਾ ਸਬੂਤ ਹੈ ਹਾਲ ਹੀ ਵਿੱਚ ਟਵਿਟਰ ਤੇ ਇਨ੍ਹਾਂ ਦੁਆਰਾ ਸਾਂਝੀ ਕੀਤੀ ਗਈ ਇੱਕ ਵੀਡਿਓ |

ਜੀ ਹਾਂ ਦੱਸ ਦਈਏ ਕਿ ਗਾਇਕ ਜੈਜ਼ੀ ਬੀ ਨੇ ਆਪਣੇ ਟਵਿਟਰ ਅਕਾਊਂਟ ਦੇ ਜਰੀਏ ਇੱਕ ਵੀਡਿਓ ਸਾਂਝੀ ਕੀਤੀ ਹੈ | ਜਿਸ ਵਿੱਚ ਤੁਸੀਂ ਵੇਖ ਸੱਕਦੇ ਹੋ ਕਿ ਕਿਸ ਤਰਾਂ ਦੋ ਗੋਰੇ ਬਹੁਤ ਹੀ ਜੋਸ਼ੀਲੇ ਅੰਦਾਜ਼ ਵਿੱਚ ਜੈਜ਼ੀ ਬੀ ਦੇ ਨਾਲ ਸਟੇਜ ਤੇ ਨੱਚਦੇ ਨਜ਼ਰ ਆ ਰਹੇ ਹਨ | ਇਹ ਵੀਡਿਓ ਵਿਦੇਸ਼ ਵਿੱਚ ਕਿਸੇ ਪਾਰਟੀ ਦੀ ਲੱਗ ਰਹੀ ਹੈ | ਅਜਿਹੀਆਂ ਵੀਡਿਓ ਵੇਖਣ ਤੋਂ ਬਾਅਦ ਬਹੁਤ ਹੀ ਮਾਨ ਮਹਿਸੂਸ ਹੁੰਦਾ ਹੈ ਕਿ ਅੱਜ ਸਾਡੀ ਪੰਜਾਬੀ ਗਾਇਕੀ ਨੂੰ ਦੇਸ਼ਾਂ ਵਿਦੇਸ਼ਾਂ ਵਿੱਚ ਵੱਸਦੇ ਲੋਕਾਂ ਵੱਲੋਂ ਕਿਸ ਹੱਦ ਤੱਕ ਪਿਆਰ ਦਿੱਤਾ ਜਾਂਦਾ ਹੈ |

jazzy b

ਜੈਜ਼ੀ ਬੀ ਨੇ ਜ਼ਿਆਦਾਤਰ ਪਾਰਟੀ ਗੀਤ ਹੀ ਗਾਏ ਹਨ ਅਤੇ ਉਨ੍ਹਾਂ ਗੀਤਾਂ ਦੇ ਸੁਰ ਤਾਲ ਅਜਿਹੇ ਹੁੰਦੇ ਹਨ ਕਿ ਹਰ ਕੋਈ ਨੱਚਣ ਲਈ ਮਜਬੂਰ ਹੋ ਜਾਂਦਾ ਹੈ | ਜੈਜ਼ੀ ਬੀ ਦੁਆਰਾ ਟਵਿਟਰ ਤੇ ਸਾਂਝੀ ਕੀਤੀ ਗਈ ਇਸ ਵੀਡਿਓ ਨੂੰ ਲੋਕਾਂ ਦੁਆਰਾ ਬਹੁਤ ਹੀ ਪਸੰਦ ਕੀਤਾ ਜਾ ਰਿਹਾ ਹੈ |



Be the first to comment

Leave a Reply

Your email address will not be published.


*