ਕੌਰ ਬੀ ਨੇ ਆਪਣੇ ਇੰਸਟਾਗ੍ਰਾਮ ‘ਤੇ ਇੱਕ ਵੀਡਿਓ ਸਾਂਝਾ ਕੀਤਾ ਹੈ । ਜਿਸ ‘ਚ ਉਹ ਨੁਸਰਤ ਫਤਿਹ ਅਲੀ ਖਾਨ ਸਾਹਿਬ ਦੇ ਗਾਏ ਗੀਤ ਨੂੰ ਗਾ ਰਹੇ ਨੇ । ਇਸ ਵੀਡਿਓ ‘ਚ ਉਹ ਉਨ੍ਹਾਂ ਦੇ ਗੀਤ ਨੂੰ ਆਪਣੇ ਹੀ ਅੰਦਾਜ਼ ਵਿੱਚ ਗਾ ਰਹੇ ਨੇ । ਇਸ ਗੀਤ ਦੇ ਵੀਡਿਓ ‘ਚ ਤੁਸੀਂ ਵੇਖ ਸਕਦੇ ਹੋ ਕਿ ਕੌਰ ਬੀ ਪੂਰੇ ਲੈਅ ‘ਚ ਇਹ ਗੀਤ ਗਾ ਰਹੇ ਨੇ ।ਉਨ੍ਹਾਂ ਦੇ ਇਸ ਵੀਡਿਓ ਨੂੰ ਕਾਫੀ ਲੋਕਾਂ ਵੱਲੋਂ ਪਸੰਦ ਕੀਤਾ ਜਾ ਰਿਹਾ ਹੈ । ਗੀਤ ਨੂੰ ਹੁਣ ਤੱਕ ਕਈ ਗਾਇਕਾਂ ਨੇ ਗਾਇਆ ਹੈ ।
ਹੋਰ ਵੇਖੋ : ਲੋਹੜੀ ਦਾ ਕੀ ਹੈ ਇਤਿਹਾਸ ,ਜਾਣੋ ਕਿਸ ਤਰ੍ਹਾਂ ਮਨਾਇਆ ਜਾਂਦਾ ਹੈ ਲੋਹੜੀ ਦਾ ਤਿਉਹਾਰ
ਫਿਲਮ ਯਾਰਾਨਾ ‘ਚ ਇਸ ਗੀਤ ਨੂੰ ਮਾਧੁਰੀ ਦੀਕਸ਼ਿਤ ‘ਤੇ ਫਿਲਮਾਇਆ ਗਿਆ ਸੀ ।ਇਸ ਤੋਂ ਇਲਾਵਾ ਨਸੀਬੋ ਲਾਲ ਨੇ ਵੀ ਆਪਣੇ ਹੀ ਅੰਦਾਜ਼ ‘ਚ ਨਵੇਂ ਢੰਗ ਨਾਲ ਗਾਇਆ ਸੀ ।ਉਨ੍ਹਾਂ ਨੇ ਵੀ ਸਰੋਤਿਆਂ ਦੇ ਟੇਸਟ ਨੂੰ ਵੇਖਦੇ ਹੋਏ ਨਵੇਂ ਅੰਦਾਜ਼ ‘ਚ ਗੀਤ ਨੂੰ ਗਾਇਆ ਸੀ। ਇਸ ਗੀਤ ਨੂੰ ਕਾਫੀ ਪਸੰਦ ਕੀਤਾ ਗਿਆ ਸੀ ।
ਇਸ ਤੋਂ ਇਲਾਵਾ ਰਾਹਤ ਫਤਿਹ ਅਲੀ ਖਾਨ ਨੇ ਵੀ ਇਸ ਗੀਤ ਨੂੰ ਬਹੁਤ ਹੀ ਪਿਆਰੇ ਅੰਦਾਜ਼ ‘ਚ ਗਾਇਆ । ਇਸ ਗੀਤ ਨੂੰ ਹੁਣ ਨਵੀਂ ਪੀੜ੍ਹੀ ਦੇ ਟੇਸਟ ਨੂੰ ਵੇਖਦਿਆਂ ਹੋਇਆਂ ਹੁਣ ਕੌਰ ਬੀ ਨੇ ਆਪਣੇ ਹੀ ਅੰਦਾਜ਼ ‘ਚ ਇਸ ਗੀਤ ਨੂੰ ਗਾਉਣ ਦੀ ਕੋਸ਼ਿਸ਼ ਕੀਤੀ ਹੈ ।ਪਰ ਇਸ ਗੀਤ ਨੂੰ ਕੌਰ ਬੀ ਮਹਿਜ਼ ਦਿਲ ਪਰਚਾਉਣ ਲਈ ਗਾ ਰਹੇ ਨੇ ਜਾਂ ਫਿਰ ਇਹ ਪੂਰਾ ਗੀਤ ਕੱਢਣ ਦੀ ਤਿਆਰੀ ‘ਚ ਨੇ ਇਸ ਬਾਰੇ ਅਜੇ ਕੋਈ ਖੁਲਾਸਾ ਨਹੀਂ ਹੋ ਸਕਿਆ ।