ਰੁਪਿੰਦਰ ਹਾਂਡਾ ਜਲਦ ਹੀ ਆਪਣੇ ਨਵੇਂ ਗੀਤ ‘ਬੇਰੁਖੀਆਂ’ ਨਾਲ ਸਰੋਤਿਆਂ ਦੇ ਰੁਬਰੂ ਹੋਣ ਜਾ ਰਹੀ ਹੈ । ਇਸ ਗੀਤ ਦੇ ਪੋਸਟਰ ਨੂੰ ਉਨ੍ਹਾਂ ਨੇ ਆਪਣੇ ਇੰਸਟਾਗ੍ਰਾਮ ‘ਤੇ ਸਾਂਝਾ ਕੀਤਾ ਹੈ । ਇਹ ਗੀਤ ਦਸ ਅਕਤੂਬਰ ਨੂੰ ਰਿਲੀਜ਼ ਹੋਣ ਜਾ ਰਿਹਾ ਹੈ ਅਤੇ ਰੁਪਿੰਦਰ ਹਾਂਡਾ ਵੀ ਇਸ ਗੀਤ ਨੂੰ ਲੈ ਕੇ ਕਾਫੀ ਉਤਸ਼ਾਹਿਤ ਹੈ । ਉੱਥੇ ਹੀ ਸਰੋਤੇ ਵੀ ਉਨ੍ਹਾਂ ਦੇ ਇਸ ਗੀਤ ਨੂੰ ਲੈ ਕੇ ਕਾਫੀ ਉਤਸ਼ਾਹਿਤ ਨੇ ।
https://www.instagram.com/p/BolABqEH2MA/?utm_source=ig_embed
ਇਸ ਗੀਤ ਨੂੰ ਆਪਣੀ ਸੁਰੀਲੀ ਅਵਾਜ਼ ਨਾਲ ਸ਼ਿੰਗਾਰਿਆ ਹੈ ਰੁਪਿੰਦਰ ਹਾਂਡਾ ਨੇ । ਰੁਪਿੰਦਰ ਹਾਂਡਾ ਨੇ ਇਸ ਤੋਂ ਪਹਿਲਾਂ ਵੀ ਕਈ ਹਿੱਟ ਗੀਤ ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਨੂੰ ਦਿੱਤੇ ਹਨ । ਉਨ੍ਹਾਂ ਦੇ ਗੀਤਾਂ ਨੂੰ ਸਰੋਤਿਆਂ ਨੇ ਵੀ ਭਰਵਾਂ ਪਿਆਰ ਦਿੱਤਾ ਹੈ । ਪਰ ਇਸ ਨਵੇਂ ਗੀਤ ‘ਚ ਰੁਪਿੰਦਰ ਹਾਂਡਾ ਕਿਸ ਦੀਆਂ ‘ਬੇਰੁਖੀਆਂ’ ਦੀ ਗੱਲ ਕਰ ਰਹੀ ਹੈ । ਉਹ ਤਾਂ ਦਸ ਅਕਤੂਬਰ ਨੂੰ ਪਤਾ ਲੱਗ ਸਕੇਗਾ ਪਰ ਇਸ ਪੋਸਟਰ ਨੂੰ ਵੇਖ ਕੇ ਪਤਾ ਲੱਗਦਾ ਹੈ ਕਿ ਇਸ ਗੀਤ ‘ਚ ਰੁਪਿੰਦਰ ਹਾਂਡਾ ਕਿਸੇ ਦੇ ਬੇਰੁਖੀ ਭਰੇ ਵਤੀਰੇ ਦੀ ਗੱਲ ਕਰਨ ਜਾ ਰਹੀ ਹੈ । ਹੁਣ ਇੰਤਜ਼ਾਰ ਹੈ ਦਸ ਅਕਤੂਬਰ ਦਾ । ਜਿਸ ਦਿਨ ਇਹ ਗੀਤ ਰਿਲੀਜ਼ ਹੋਵੇਗਾ ।