ਬਰੈਂਪਟਨ, ਓਨਟ. 'ਚ ਕੋਵਿਡ -19 ਕਾਰਨ ਇੱਕ ਸਾਊਥ ਏਸ਼ੀਅਨ ਮੂਲ਼ ਜੋੜੇ ਦੀ ਮੌਤ ਹੋ ਗਈ ਹੈ ਅਤੇ ਤਿੰਨ ਧੀਆਂ ਮਾਪਿਆਂ ਤੋਂ ਬਿਨਾਂ ਰਹਿ ਗਈਆਂ ਹਨ।
ਪਰਿਵਾਰਕ ਮੈਂਬਰ ਵੱਲੋਂ ਇੱਕ ਨਿੱਜੀ ਨਿਊਜ਼ ਚੈਨਲ ਨੂੰ ਦੱਸਿਆ ਗਿਆ ਕਿ 61 ਸਾਲਾ ਨਾਗਰਾਜਾ ਥਿੰਸਾਰਾਜਾਹ ਦੀ ਉਹਨਾਂ ਦੀ 56 ਸਾਲਾ ਪਤਨੀ ਪੁਸ਼ਪਾਰਣੀ ਨਾਗਾਰਾਜਾ ਦੇ ਦਿਹਾਂਤ ਤੋਂ ਦੋ ਦਿਨ ਬਾਅਦ ਹੀ 15 ਅਪ੍ਰੈਲ ਨੂੰ ਹਸਪਤਾਲ ਵਿਚ ਮੌਤ ਹੋ ਗਈ।
ਜੋੜੇ ਦੇ ਭਤੀਜੇ ਨਾਥਨ ਕਥਿਰਗਾਮਨਾਥਨ ਅਨੁਸਾਰ ਉਨ੍ਹਾਂ ਦੀਆਂ ਤਿੰਨ ਧੀਆਂ, ਜਿਨ੍ਹਾਂ ਦੀ ਉਮਰ 29, 22 ਅਤੇ 19 ਸਾਲ ਹੈ, ਵੀ ਕੋਰੋਨਾ ਵਾਇਰਸ ਤੋਂ ਪੀੜਤ ਹਨ ਅਤੇ ਉਹ ਵੀ ਇਕਾਂਤਵਾਸ ਵਿੱਚ ਰਹਿ ਰਹੀਆਂ ਹਨ।
ਉਹਨਾਂ ਦੇ ਪਰਿਵਾਰਕ ਮੈਂਬਰ ਨੇ ਦੱਸਿਆ ਕਿ ਤਿੰਨਾਂ ਧੀਆਂ ਨੂੰ ਪਤਾ ਸੀ ਕਿ ਉਹਨਾਂ ਦੇ ਮਾਪੇ ਹੁਣ ਵਾਪਸ ਨਹੀਂ ਮੁੜਣਗੇ ਅਤੇ ਉਹ ਜਿਸ ਮਾਨਸਿਕ ਪੀੜ੍ਹ 'ਚੋਂ ਗੁਜ਼ਰ ਰਹੀਆਂ ਹਨ, ਉਸਦਾ ਅਸੀਂ ਅੰਦਾਜ਼ਾ ਵੀ ਨਹੀਂ ਲਗਾ ਸਕਦੇ।
ਕਥੀਰਗਾਮੰਥਨ ਨੇ ਦੱਸਿਆ ਕਿ ਉਸਦੇ ਚਾਚਾ ਅਤੇ ਚਾਚੀ 2 ਅਪ੍ਰੈਲ ਨੂੰ ਬਿਮਾਰ ਹੋਣੇ ਸ਼ੁਰੂ ਹੋ ਗਏ ਸਨ ਅਤੇ ਅਗਲੇ ਦਿਨ ਟੈਸਟ ਕਰਵਾਉਣ ਲਈ ਪੂਰਾ ਪਰਿਵਾਰ ਹਸਪਤਾਲ ਗਿਆ। ਥਿੰਸਾਰਾਜਾਹ ਗੰਭੀਰ ਹਾਲਤ ਵਿਚ ਸਨ ਜਿਸ ਕਾਰਨ ਉਹ ਹਸਪਤਾਲ ਵਿਚ ਹੀ ਰਹੇ ਜਦੋਂ ਕਿ ਉਸ ਦੀ ਪਤਨੀ ਅਤੇ ਤਿੰਨ ਧੀਆਂ ਨੂੰ ਘਰ ਤੋਂ ਵੱਖ ਕਰਕੇ ਘਰ ਭੇਜ ਦਿੱਤਾ ਗਿਆ।
ਕੁਝ ਦਿਨਾਂ ਬਾਅਦ, ਨਾਗਰਾਜਾ ਨੂੰ ਸਾਹ ਲੈਣ ਵਿੱਚ ਮੁਸ਼ਕਲ ਆਈ ਅਤੇ ਉਸਨੂੰ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਉਹਨਾਂ ਦੀ ਮੌਤ 13 ਅਪ੍ਰੈਲ ਨੂੰ ਹੋ ਗਈ ਅਤੇ ਉਹਨਾਂ ਦੇ ਪਤੀ ਦੀ 15 ਅਪ੍ਰੈਲ ਨੂੰ ਮੌਤ ਹੋ ਗਈ।
ਥਿੰਸਿੰਗਾਰਾਜਾ ਮਿਸੀਸਾਗਾ ਵਿਚ ਇਕ ਅੰਤਰਰਾਸ਼ਟਰੀ ਏਅਰ ਲਾਈਨ ਕੈਟਰਿੰਗ ਅਤੇ ਆਨ-ਬੋਰਡ ਪ੍ਰਚੂਨ ਕੰਪਨੀ, ਗੇਟ ਗੌਰਮਟ ਕਨੇਡਾ ਵਿਚ ਇਕ ਕਰਮਚਾਰੀ ਸੀ, ਜੋ ਕਿ ਗੇਟ ਸਮੂਹ ਦੀ ਇਕ ਡਵੀਜ਼ਨ ਹੈ।