ਦਿਲਜੀਤ ਦੋਸਾਂਝ ਦਾ ਨਵਾਂ ਧਾਰਮਿਕ ਸ਼ਬਦ ‘ਆਰ ਨਾਨਕ ਪਾਰ ਨਾਨਕ’ ਰਿਲੀਜ਼




ਦਿਲਜੀਤ ਦੋਸਾਂਝ ਦਾ ਨਵਾਂ ਧਾਰਮਿਕ ਸ਼ਬਦ ਰਿਲੀਜ਼ ਹੋ ਚੁੱਕਿਆ ਹੈ। ਆਰ ਨਾਨਕ ਪਾਰ ਨਾਨਕ ਦੇ ਟਾਈਟਲ ਹੇਠ ਰਿਲੀਜ਼ ਹੋਏ ਇਸ ਧਾਰਮਿਕ ਸ਼ਬਦ ‘ਚ ਦਿਲਜੀਤ ਦੋਸਾਂਝ ਨੇ ਗੁਰੂ ਨਾਨਕ ਦੇਵ ਜੀ ਅਤੇ ਉਨ੍ਹਾਂ ਵੱਲੋਂ ਰਚੀ ਗਈ ਬਾਣੀ ਦੀ ਮਹਿਮਾ ਦਾ ਗੁਣਗਾਣ ਕੀਤਾ ਹੈ ।ਇਸ ਸ਼ਬਦ ਦੇ ਵੀਡਿਓ ‘ਚ ਪੁਰਾਣੇ ਸਮੇਂ ‘ਚ ਸ਼ਰਧਾਲੂਆਂ ਦੀ ਅਪਾਰ ਆਸਥਾ ਅਤੇ ਸ਼ਰਧਾ ਗੁਰੂ ਘਰ ‘ਚ ਕਿੰਨੀ ਜ਼ਿਆਦਾ ਹੁੰਦੀ ਸੀ ਇਹ ਵਿਖਾਉਣ ਦੀ ਕੋਸ਼ਿਸ਼ ਇਸ ਸ਼ਬਦ ‘ਚ ਕੀਤੀ ਗਈ ਹੈ।

ਹੋਰ ਵੇਖੋ: ਜਦੋਂ ਰਾਜਸਥਾਨੀ ਅੰਦਾਜ਼ ਵਿੱਚ ਪੁੱਤ ਜੱਟ ਦਾ ਗੀਤ ਤੇ ਦਿਲਜੀਤ ਦੋਸਾਂਝ ਨੇ ਦਿੱਤੀ ਪ੍ਰਫੋਰਮੈਂਸ, ਵੇਖੋ ਵੀਡੀਓ

ਇਸ ਸ਼ਬਦ ਦਾ ਵੀਡਿਓ ਦਿਲਜੀਤ ਦੋਸਾਂਝ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਸਾਂਝਾ ਕੀਤਾ ਹੈ । ਗੁਰੂ ਨਾਨਕ ਦੇਵ ਜੀ ਨਾਲ ਸਬੰਧਤ ਇਸ ਨਵੇਂ ਧਾਰਮਿਕ ਸ਼ਬਦ ਦੀ ਫ੍ਰਸਟ ਲੁਕ ਪਿਛਲੇ ਦਿਨੀਂ ਦਿਲਜੀਤ ਦੋਸਾਂਝ ਨੇ ਆਪਣੇ ਇੰਸਟਾਗ੍ਰਾਮ ‘ਤੇ ਸਾਂਝੀ ਕੀਤੀ ਸੀ ।ਇਸ ਸ਼ਬਦ ‘ਚ ਸਾਦਗੀ ਅਤੇ ਮਨੋਂ ਆਸਥਾ ਨਾਲ ਕਿਸ ਤਰ੍ਹਾਂ ਆਪਣੇ ਗੁਰੂ ਨੂੰ ਲੋਕ ਯਾਦ ਕਰਦੇ ਸਨ ਇਹ ਸਭ ਕੁਝ ਵਿਖਾੳਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ ।

ਹੋਰ ਵੇਖੋ:ਦਿਲਜੀਤ ਦੋਸਾਂਝ ਦਾ ਨਵਾਂ ਗੀਤ ” ਪੁੱਤ ਜੱਟ ਦਾ ” ਹੋਇਆ ਰਿਲੀਜ਼

ਯੂਟਿਊਬ ‘ਤੇ ਇਹ ਸ਼ਬਦ ਰਿਲੀਜ਼ ਹੁੰਦਿਆਂ ਹੀ ਵੱਡੀ ਗਿਣਤੀ ‘ਚ ਲੋਕਾਂ ਨੇ ਇਸ ਨੂੰ ਵੇਖਿਆ ਹੈ । ਸ਼ਬਦ ‘ਚ ਮਿਊਜ਼ਿਕ ਗੁਰਮੋਹ ਨੇ ਦਿੱਤਾ ਜਦਕਿ ਹਰਮਨਜੀਤ ਨੇ ਇਸ ਸ਼ਬਦ ਦੇ ਬੋਲ ਲਿਖੇ ਨੇ ।

ਇਸ ਸ਼ਬਦ ‘ਚ ਦਿਲਜੀਤ ਦੋਸਾਂਝ ਬਿਲਕੁਲ ਸਾਦੇ ਅੰਦਾਜ਼ ‘ਚ ਨਜ਼ਰ ਆ ਰਹੇ ਸਨ ਅਤੇ ਅੱਖਾਂ ਬੰਦ ਕਰਕੇ ਪ੍ਰਮਾਤਮਾ ਦੀ ਭਗਤੀ ‘ਚ ਲੀਨ ਨਜ਼ਰ ਆ ਰਹੇ ਨੇ ।ਦਿਲਜੀਤ ਦੋਸਾਂਝ ਜਿੱਥੇ ਡਾਂਸ ਅਤੇ ਰੋਮਾਂਟਿਕ ਗੀਤ ਗਾ ਕੇ ਕਾਫੀ ਨਾਮ ਕਮਾ  ਚੁੱਕੇ ਨੇ । ਉੱਥੇ ਹੀ ਉਨ੍ਹਾਂ ਨੇ ਕਈ ਧਾਰਮਿਕ ਗੀਤ ਵੀ ਗਾਏ ਹਨ ਜਿਨ੍ਹਾਂ ਨੂੰ ਸਰੋਤਿਆਂ ਵੱਲੋਂ ਕਾਫੀ ਪਸੰਦ ਵੀ ਕੀਤਾ ਜਾਂਦਾ ਰਿਹਾ ਹੈ ਅਤੇ ਹੁਣ ਉਹ ਮੁੜ ਤੋਂ ਆਪਣਾ ਇੱਕ ਨਵਾਂ ਧਾਰਮਿਕ ਸ਼ਬਦ ਲੈ ਕੇ ਆਏ ਜਿਸ ਨੂੰ ਸਰੋਤਿਆਂ ਦਾ ਵੀ ਭਰਵਾਂ ਹੁੰਗਾਰਾ ਮਿਲ ਰਿਹਾ ਹੈ।